Marka hore xamdi alla iyo naxariis Eebbe. Marka xigga, waxa la yidhaahddaa xabad si khaldan u dhacday hal mar,  qof bay dishaa ama haday ka badaana boqolaal qof bay dilaan hal mar, laakiin saxeexa khadka qalinku hadduu khalad kaaga dhaco oo aanad ka fiirsan qarniyuu wax dillaa, qaran dhan buu mustaqbal tiraa, malaayiin qof buu dillaa, silciyaa, noloshooda iyo aayahooda aasaa. Sidaa darteed, qori bilaa amaan ah waxa ka khatar badan qalin bilaa amaan ah. Geesta kale, nidaamka iyo is hogaaminta waxa sal u ah is aaminka, markaa haddii is aaminka umaddeed lumo, ma jirto dhibaato ka maqan umaddaasi,  khayr kasta shar bay u qaadataa, sharkana khayr bay u qaadataa, xitaa haddii laytal khadar u yimaado umaddaasi way ka shakidaa, markaa ha la is aamino